الرئيسية / مقالات / كيفاش نربح فلوس من فيسبوك و تويتر و انسطڭرام ؟

كيفاش نربح فلوس من فيسبوك و تويتر و انسطڭرام ؟

بلا شك انك كاتدوّز بزاف ديال الوقت فمواقع التواصل الاجتماعي، سواء باش تدوّز الوقت اولا تقتل الملل اولا تبرڭڭ و تعرف الجديد ديال الأصدقاء دياولك. و ضروري سوّلتي راسك شي نهار: “واش نقدر نربح لفلوس من هاد المواقع و التطبيقات لي كانضيّع فيهم وقتي؟”

فهاد المقال غانجاوبك على السؤال ديالك، الإجابة هي “نعم”، تقدر تربح من حسابات مواقع التواصل الاجتماعي ديالك، عن طريق واحد الموقع سميتو Paid Post. دابا ملي قريتي هادشي غايبداو يضورو فراسك بزاف ديال الاسئلة، ماتخافش غانجاوبك عليهم من كيفاش كايخدم الموقع حتى لطريقة سحب النقود ديالك.

كيفاش غانربح لفلوس من حساباتي على مواقع التواصل الاجتماعي ؟

الموقع كايستعمل الحسابات ديالك كمساحة لنشر الاعلانات، يعني غايولّي يلوح اشهارات فالپروفيل ديالك فيسبوك او تويتر او انسطاڭرام او صفحة الا كانت عندك. الموقع كايخدم بحال شي وسيط، يعني كايجيب ليك ناس باغين يحطو اشهارات و نتا لي كاتكلّف و كاتتخلّص عليهم بالثمن لي قررتي نتا فالاول (غانشرح هادشي مزيان من بعد). اما بخصوص الارباح ديالك فتقدر تخرجهم باستعمال Paypal او Western Union.

طريقة استخدام موقع PaidPost :

فالاول غاتفتح الموقع و تتسجل فيه عادي Paid Post ، يا إما بادخال المعلومات الشخصية ديالك او استعمال أحد مواقع التواصل الاجتماعي بحال فيبوك او تويتر.
من بعد التسجيل و تفعيل الإيميل غاتخرج ليك لوحة المستخدم لي هي عبارة على هاد الشكل :
هبط لأسفل الصفحة الرئيسية (Dashboard) فين غايبان ليك بوطونات باش تضيف الحسابات ديالك باش يجيوك فرص ديال الإعلانات.
من بعد دخل لـProfile Edit باش تعدّل الملف الشخصي ديالك، من الاحسن تدير المعلومات الصحيحة باش يجيوك فرص الإعلان.

إلا زدتي هبطتي لتحت غاتلقى بحال هاد الصفحة، فـExpected PPD كانديرو المبلغ لي غاتاخد مقابل الاعلان فالصفحة ديالك، لك حريّة الإختيار ولكن من الافضل ماتفوتش 0.5 إلا كان عدد المتابعين ديالك مافايتش 200.

دابا سالينا من setup و مابقالينا غي نكليكيو على الزر ديال Update.

فحالة كانت عندك صفحة فالفيسبوك فتقدر تضيفها من القائمة لي فالصورة لتحت و تدخل المعلومات ديالها و تسنّى الموافقة ديال الموقع باش يتأكّدو بلّي نتا هو المالك ديالها.

دابا الحساب ديالك واجد باش يستقبل طلبات الإعلانات يا إما على الحساب الشخصي ديالك او الصفحة، هاد الطلبات اتلقاهم فـ Post Requests.

فين انلقى طلبات الإعلانات ؟

ملي كايجيوك طلبات الاعلانات كايوصلك Notifications بحال ديال فيسبوك و لي فهاد الموقع هوا داك العدد “4” فالدائرة الحمراء لي كاينة فالصورة.

غاتلقى فرص الاعلانات لي عندك الإختيار باش تنشرهم على الحساب ديالك. ختار المنشور لي عجبك و كليكي على الخانة لي كاينة قدام Actions.
غاتخرج ليك رسالة كاتعلمك بلي ماخاصكش تمسح المنشور قبل من 48 ساعة، كليكي على Accept. من بعد اتخرج ليك نافذة فيها الزر ديال النشر فالفيسبوك كاتكليكي عليها و كاتپارطاجي المنشور. ضروري تكون الـprivacy ديال المنشور Public!

طريقة سحب الأموال :

كليكي على My Pocket لي كاينة فالقائمة، من بعد اختار Withdrawal List :

باش نديرو عمليّة سحب جديدة كانكليكيو على Create Withdraw Request او داك الزر الازرق لي قدامها، ثم كانختارو طريقة السحب، الا كان المبلغ كبير Western Union اما الا كان لمبلغ صغير فكانختارو Paypal من الأحسن (5 دولار على الأقل).

هنا كايسالي الشرح ديالنا، ماتنساوش تپارطاجيو المقال مع صحابكم و الا كان عندكم شي سؤال خليوه فتعليق أسفل المقال او فالصفحة ديالنا فالفيسبوك.