الرئيسية / الويب / كيفاش نعرف شكون دخل للپروفايل ديالي فالفيسبوك ؟

كيفاش نعرف شكون دخل للپروفايل ديالي فالفيسبوك ؟

هدا ماشي clickbait و ماشي بحال دوك العناوين الخادعة لي ولّفنا نشوفوهم بالعّرام فالفيسبوك. فهاد الشرح اتعرف الطريقة الصحيحة كيفاش تعرف شكون دخل لپروفايل ديالك فيسبوك و شكون شاف المنشورات ديالك.

دراري ولا دريات، كاملين شدّنا الفُضول واحد النهار اثناء الإستعمال ديالنا للفيسبوك باش نعرفو “شكون كايدخل لپروفايل ديالنا” او “واش الإكس ديالي مزال كايدخل لپروفايل ديالي” او “شكون كايعجبو لمنشورات ديالي” و طبعا جرّبنا برامج و تطبيقات فيسبوك ولكن للأسف كانكتاشفو بلّي غير تقولبنا فالاخر.

التطبيق لي انخدمو بيه ليوم صادق 100% و خدمت بيه لمدّة كثر من ثلاتة اشهر، و تأكّدت بلّي خدام مزيان و قبل مانقرر ننشرو هنا.

كيفاش نعرف شكون دخل للپروفايل ديالي فالفيسبوك

فهاد الشرح انخدمو بتطبيق Qmiran لي غادي يعطينا معلومات على الناس لي زارو الپروفايل ديالنا. فالأول أيخصنا نحمّلو التطبيق من هنا لصحاب Windows, الجميل فالتطبيق هوا انّه كايخدم حتى للناس ديال Android .

من بعد التحميل و الأنسطال اتكون هادي هيّ الواجهة ديال البرنامج:

من بعد ا نختارو فيسبوك طبعا و ندخّلو المعلومات ديالنا:

فحالة عطاكم السؤال ديال “? Do you like qmiran” كليكي على “NO”. و أنخليو حتى يسالي التطبيق الـ Updating report:

من بعد، البرنامج غايفتح تلقائيا صفحة فالمتصفح ديالك، اتكون على هاد الشكل:

باش نعرفو شكون دخل لپروفايل فيسبوك ديالنا انكليكيو على “WHO VISITS YOU” او “CONSULT”، من بعد نكليكيو على البوطونة ديال البحث:

فهاد الصفحة انحيّدو علامة الإختيار من على “Post” و نكليكيو على SEARCH :

النتيجة النهائيّة اتكون على شكل هاد الصفحة، هنا انلقاو الإسم و الفسيبوك ديال الشخص لي دخل للفيسبوك ديالنا و حتى الوقت لي دخل فيه:

هنا كايسالي الشرح و كيفما ڭلت ليكم التطبيق مضمون و مجاني، فحالة كان عندك شي سؤال خليه فتعليق انحاول نجاوبك عليه. نتلاقاو فشي شرح آخر.