الرئيسية / أندرويد / كيفيّة مشاهدة الأفلام والمسلسلات على أندرويد وتحميلها

كيفيّة مشاهدة الأفلام والمسلسلات على أندرويد وتحميلها

بدون شك أن مشاهدة الأفلام و المسلسلات من أكثر الحوايج الممتعة و المسليّة لي كاينة فهاد العالم، خصوصا فشي يوم مُمِل او من بعد يوم شاق فالخدمة أو الدراسة أو رفقة الأصدقاء و خصوصا أنّ فهاد الوقت كلشي سهال و مابقيناش كانحتاجو نقطّعو تيكي باش ندخلو للسينما أو نتسناو القنوات التلفزيّة تجيب لينا الأفلام و المسلسلات لي كانبغيو. بحيث كلشي ولا عندو سمارتفون كايمكننا باش نبقاو على إتصال مع الأصدقاء و نطّالعو على الأخبار و بزاف دلحوايج و علاش لا، حتى مشاهدة الافلام و المسلسلات. فهاد المقال حاولت نجمع أحسن التطبيقات المجانية لّي كاتمكنك من مشاهدة الأفلام والمسلسلات على أندرويد و لّي لقات الإحسان ديال ملايين المستعملين عبر العالم. و كيف ديما، جرّبتهم و خدمت بيهم قبل مانپارطجيهم معاكم(*).

 مشاهدة الأفلام والمسلسلات على أندرويد

ShowBox

Showbox
تطبيق Showbox من أحسن التطبيقات فهاد المجال و أشهرهم، بحيث عندو واجهة استعمال جد بسيطة و fluid و لّي كاتتيح للمستعمل العديد من الإختيارات، كيفما كايتضمّن على قاعِدة ديال الافلام و المسلسلات كبيرة لي كايتمّ التحديث ديالها بشكل مستمر. هادو من الحوايج لي كايخلّيوه الأفضل بالنسبة ليا و بالنسبة للعديد من المستعملين.
التطبيق ماكينش فمتجر  ولكن تقدر تيليشارجيه بكل بساطة من الموقع الرسمي.

Terrarium TV

Terrarium TV
عكس Showbox، تطبيق Terrarium TV عبارة عن محرّك بحث كايعتامد على خوارزميات جد متطوّرة لي كاتجيب ليك روابط لمشاهدة الأفلام و المسلسلات، الجميل فالتّطبيق هو انه كايوفّر ليك ترجمة للعديد من اللّغات، سيرڤرات خفيفة، كيفما كايتوفّر على خاصيّة التحميل باش تقدر تتفرج فالفلام ديالك بدون انترنيت.

Popcorn Time

Popcorn Time
التطبيق الأشهر عند المستعملين ديال windows، و لّي كان فواحد الوقت كاينافس خدمة Netflix الشهير، مؤخرا طلقو نسخة لمستعملي الأندرويد و لي عندها نفس الميزات ديال نسخة المكتب، التطبيق ليوم كاينافس حتى التطبيقات الكبيرة لي ذكرنا من قبل و العدد ديال المستعملين ديالو فتزايد كل نهار. عكس التطبيقات الأخرى كايعتامد على ملفات التورنت من مواقع اخرى الشيء لي كايضمن جودة المشاهدة.

Stremio

Stremio
التطبيق الأنيق لي متوفّر لجميع آنظمة الإستخدام (ويندووز، لينوكس، ماك..) و لّي غاتدمن عليه من أوّل استخدامك ليه، التطبيق كايمكنك من مشاهدة الافلام و المسلسلات و القنوات التلفزيّة و حتى قنوات اليوتوب، كيفما كايوفّر ليك مكتبة فين تقدر تجمع أفلامك و جميع الأشياء المفضلّة عندك.
كاينين بزاف ديال التطبيقات لي كايوفّرو نفس الخِدمة ولكن كانظن بلّي هادو لي هدرنا عليهم لفوق هم الأفضل و عن تجربة. في حالة لقيت مستقبلا تطبيقات آخرى لي تستاهل غاندير تحديث لهاد المقال. و حتى نتا إلا كان عندك شي تطبيق پارطاجيه معنا فتعليق.
(*) استعمال إحدى هذه التطبيقات للقرصنة وتحميل الافلام والمسلسلات قد يعرضك للمتابعة القضائية في مجموعة من الدول. نحن غير مسؤولون عن استعمالك لهذه التطبيقات أو المتابعة القانونية التي قد تتعرض لها.